ચક્રવાત બિપરજોય ને કારણે 16 જૂન સુધી અહિયાં શાળાઓમાં રજા, NDRFની ટીમો તૈનાત

અરબી સમુદ્રમાં ચક્રવાત બિપરજોયે વિકરાળ સ્વરૂપ ધારણ કર્યું છે. જેના કારણે આજે મુંબઈમાં ભારે વરસાદ સાથે ધૂળની ડમરીઓ ઉડી હતી. એટલું જ નહીં આ દરમિયાન દરિયામાં ઊંચા મોજા પણ ઉછળ્યા હતા. ચક્રવાતને કારણે મુંબઈ એરપોર્ટ પરની ઘણી ફ્લાઈટને પણ અસર થઈ છે. આ ચક્રવાતને જોતા હવામાન વિભાગ દ્વારા એલર્ટ જારી કરવામાં આવ્યું છે. કહેવામાં આવી રહ્યું છે કે આ ચક્રવાત દ્વારકાથી 380 કિલોમીટર દૂર છે. એવું માનવામાં આવે છે કે ચક્રવાત 15 જૂન સુધીમાં ગુજરાતના જખૌ બંદરને પાર કરી શકે છે. આવી સ્થિતિમાં વાવાઝોડાને ધ્યાનમાં રાખીને વડાપ્રધાન નરેન્દ્ર મોદી ઉચ્ચ સ્તરીય બેઠક યોજવાના છે.

ચક્રવાતને લઈને ભારતના ઘણા રાજ્યોમાં ભારે વરસાદ, વાવાઝોડાની ચેતવણી જારી કરવામાં આવી છે. હવામાન વિભાગે કહ્યું કે દરિયાકાંઠે ભારે પવન ફૂંકાવાની સંભાવના છે. મુંબઈમાં આજે ભારે પવન અને ધૂળની ડમરીના કારણે અનેક વૃક્ષો ધરાશાયી થઈ ગયા હતા. કહેવામાં આવી રહ્યું છે કે આ ચક્રવાતે ખૂબ જ ગંભીર ચક્રવાતનું રૂપ લઈ લીધું છે.

હાલમાં તે 9 કિમી પ્રતિ કલાકની ઝડપે દરિયાકાંઠા તરફ આગળ વધી રહ્યું છે. તમને જણાવી દઈએ કે ચક્રવાતી તોફાન બિપરજોયને ધ્યાનમાં રાખીને, ગુજરાતના જૂનાગઢની શાળાઓમાં 16 જૂન સુધી રજા આપવામાં આવી છે. આ સાથે જ કચ્છના દરિયાકાંઠાના વિસ્તારોમાં કલમ 144 લાગુ કરવામાં આવી છે.

વહીવટીતંત્ર દ્વારા સૌરાષ્ટ્ર, કચ્છમાં NDRFની સાત ટીમો તૈનાત કરવામાં આવી છે. તે જ સમયે, લોકોને દરિયાકાંઠાના વિસ્તારોની નજીક જવાની મનાઈ કરવામાં આવી છે. એટલું જ નહીં, સુરક્ષાને ધ્યાનમાં રાખીને દરિયાની નજીક રહેતા લોકોને સલામત સ્થળે મોકલી દેવામાં આવ્યા છે. ચક્રવાતને કારણે મુંબઈ એરપોર્ટ પર અનેક ફ્લાઈટ ઑપરેશનને અસર થઈ છે. તે જ સમયે, મોટી સંખ્યામાં લોકો તેમની ફ્લાઇટની રાહ જોઈ રહ્યા છે. આટલું જ નહીં ચક્રવાતી તોફાનના કારણે ઘણી ફ્લાઇટ રદ કરી દીધી છે.