મણિપુર: યુવતીને નિર્વસ્ત્ર કરીને રસ્તા પર ફેરવી અને પછી સામૂહિક દુષ્કર્મ કરનાર ચારેય આરોપીઓ મામલે મોટા સમાચાર

મણિપુરમાં બે મહિલાઓ પર બળાત્કારના કેસમાં કોર્ટે ચારેય આરોપીઓને 11 દિવસના પોલીસ રિમાન્ડ પર મોકલી દીધા છે. આ ઘટનાનો વીડિયો વાયરલ થયા બાદ પોલીસે ચારેય આરોપીઓની ધરપકડ કરી આજે કોર્ટમાં રજૂ કર્યા હતા. જ્યાંથી ચારેયને પોલીસ કસ્ટડીમાં મોકલી દેવામાં આવ્યા છે. મણિપુરમાં, લગભગ એક હજાર લોકોના સશસ્ત્ર ટોળાએ કાંગપોકપી જિલ્લાના એક ગામમાં હુમલો કર્યો, ઘરોમાં લૂંટ ચલાવી, આગ લગાડી, બે મહિલાઓને નગ્ન કરીને પરેડ કરી અને સામૂહિક બળાત્કાર કર્યો.

બીજી તરફ મણિપુરમાં મહિલાઓની સુરક્ષાનો દાવો કરતા મહિલા જૂથ ‘મીરા પાબીસ’એ ફરી એકવાર રસ્તાઓ પર આંદોલનને રોકી દીધું છે. મીરા પાઈબીસના સભ્યો પીડિતોના ગામમાં કોઈને પણ પ્રવેશવા દેતા નથી. પોલીસ સ્ટેશન નોંગપોક સેકમાઈ જવાનો રસ્તો પણ મીરા પાઈબીસના સભ્યોએ બંધ કરી દીધો છે.

મહિલાઓની નિર્દયતા અંગે સૈકુલ પોલીસ સ્ટેશનમાં નોંધાયેલી એફઆઈઆર અનુસાર, લગભગ 900-1000 લોકો AK રાઈફલ્સ, SLR, INSAS અને .303 રાઈફલ્સ જેવા આધુનિક શસ્ત્રોથી સજ્જ થઈને સૈકુલ પોલીસ સ્ટેશનથી લગભગ 68 કિમી દક્ષિણમાં આવેલા કાંગપોકપી જિલ્લામાં આવેલા ગામમાં ઘૂસી ગયા હતા. હિંસક ટોળાએ ઘરોમાં તોડફોડ કરી અને મિલકતોને લૂંટી લીધા પછી તેને આગ લગાવી દીધી.

એફઆઈઆરમાં જણાવાયું છે કે ટોળું બપોરે 3 વાગ્યે ગામમાં ઘૂસી ગયું અને રોકડ, ફર્નિચર, ઈલેક્ટ્રોનિક વસ્તુઓ, અનાજ અને ઢોરની લૂંટ ચલાવી. ટોળાએ નજીકના જંગલમાંથી પોલીસકર્મીઓએ બચાવેલા પાંચ લોકોને પણ ઝડપી લીધા હતા. આ હુમલા બાદ પાંચેય ગ્રામજનો ભયભીત થઈને જંગલમાં ભાગી ગયા હતા. મહિલાઓને નગ્ન અવસ્થામાં ફરવા અને છેડતી કરવાના મામલે પોલીસે ચાર લોકોની ધરપકડ કરી છે.