તારા જીજા એ આપઘાત કરી લીધો છે,અમે પણ મરવા જઈ રહ્યા છીએ… ભાઈને કોલ કરીને બહેને પણ આપઘાત કરી લીધો

લગ્નના 5 વર્ષ બાદ જ આ કપલનો એવો અંત આવ્યો કે બધા આશ્ચર્યચકિત થઈ ગયા. બીજી તરફ ઘટનાનું દ્રશ્ય જોઈ લોકો રડવા લાગ્યા હતા. ઘટના બિહારના મુઝફ્ફરપુરના સદર પોલીસ સ્ટેશન વિસ્તારના ફરદો ગોલા વિસ્તારની છે. અહીં એક યુગલે આત્મહત્યા કરી લીધી. બંનેના મૃતદેહ અલગ-અલગ રૂમમાં ફાંસીથી લટકેલા મળી આવ્યા હતા. ઘટનાને પગલે લોકોના ટોળેટોળા ઘટનાસ્થળે ઉમટી પડ્યા હતા.

સ્થાનિક લોકોની સૂચના પર સદર પોલીસ સ્ટેશનની પોલીસ ઘટનાસ્થળે પહોંચી હતી અને તપાસ શરૂ કરી હતી. આ પછી મૃતદેહને પોસ્ટમોર્ટમ માટે SKMCH મોકલવામાં આવ્યો હતો. જણાવવામાં આવી રહ્યું છે કે પારુ પોલીસ સ્ટેશન વિસ્તારના લાલુ છપરાના રહેવાસી વિક્રમ સિંહ પત્ની શબનમ સિંહ અને ચાર વર્ષના પુત્ર સાથે ભાડાના મકાનમાં રહેતા હતા. વિક્રમ અને શબનમના લગ્ન વર્ષ 2018માં થયા હતા. પ્રાથમિક તપાસમાં પોલીસને સ્થાનિક લોકો પાસેથી જાણવા મળ્યું કે બંને વચ્ચે ઘણીવાર કોઈ વાતને લઈને ઝઘડો થતો હતો.

મંગળવારે મોડી રાત્રે પણ બંને વચ્ચે ઝઘડો થયો હતો, જે બાદ પહેલા પતિએ રૂમમાં ગળેફાંસો ખાઈને આત્મહત્યા કરી લીધી હતી.બુધવારે સવારે જ્યારે શબનમ તેના પતિને મળવા ગઈ તો તેને દરવાજો બંધ હતો. આ પછી તે દરવાજો તોડી અંદર ગઈ હતી. ત્યાં તેણે વિક્રમની લાશ ફાંસીથી લટકતી જોઈ. આ પછી તેણે તેના ભાઈ ભોલુને ફોન કરીને કહ્યું કે જીજા એ આત્મહત્યા કરી લીધી છે. અમે પણ આત્મહત્યા કરવાના છીએ. શબનમે પણ બીજા રૂમમાં જઈને આત્મહત્યા કરી લીધી હતી.

આ દરમિયાન ભાઈ ભોલુ તેના પરિવારજનો સાથે ત્યાં પહોંચી ગયો હતો પરંતુ ત્યાં સુધીમાં બંનેના મોત થઈ ચૂક્યા હતા. બનાવને લઈને પરિવારજનોમાં ચકચાર મચી ગઈ હતી. પોલીસે આ અંગે તપાસ કરી આગળની કાર્યવાહી હાથ ધરી છે.