નકલી ડોક્ટરે ઇન્જેકશન આપતા જ બાળકના મોઢામાંથી ફીણ નીકળવા લાગ્યું અને થયું મોત..

રાજસ્થાનના ઘણા ગ્રામીણ વિસ્તારોમાં નકલી ડોક્ટરો ખોટી સારવાર આપીને લોકોને મારી રહ્યા છે. બાડમેર જિલ્લામાં, 8 વર્ષીય જસરાજના આવા જ એક ડોક્ટરે ખોટું ઈન્જેક્શન આપીને તેનો જીવ લીધો. પરિવાર અને સમાજના લોકો મેડિકલ સ્ટોર સામે ધરણા પર બેસી ગયા છે.

મળતી માહિતી મુજબ, 8 વર્ષીય જસરાજને છેલ્લા 2 દિવસથી તાવની ફરિયાદ હતી. શુક્રવારે પિતા ભુરારામ તેના બાળકને ગામની મેડિકલમાં સારવાર માટે લઈ ગયા હતા. આરોપ છે કે તે દરમિયાન શિવ નારાયણ નામના નકલી ડોક્ટરે દવા આપવાને બદલે માસૂમને ઈન્જેક્શન આપ્યું હતું. જે બાદ બાળકના મોઢામાંથી ફીણ આવવા લાગ્યા અને તે બેહોશ થઈ ગયો.

બાળક લાંબા સમય સુધી ભાનમાં આવ્યો ન હતો. જે બાદ માતાએ પુત્રને ચેક કર્યો. તે તેને હોશમાં લાવવાનો પ્રયત્ન કરતી રહી. પરંતુ થોડા સમય બાદ બાળકનું મોત થયું હતું. બીજી તરફ ડોક્ટર પણ ત્યાંથી ભાગી ગયો હતો. ઘટનાની માહિતી મળતાં ગામલોક ખાતે મોટી સંખ્યામાં ગ્રામજનો એકઠા થયા હતા અને મેડીકલ સ્ટોરનો ઘેરાવ કર્યો હતો, ગ્રામજનો અને મૃતકના સંબંધીઓએ જોલાછાપ ડૉક્ટરની ધરપકડની માંગણી શરૂ કરી હતી.

વાતાવરણ ગરમ થતું જોઈ પોલીસે ઘટનાસ્થળે પહોંચી મૃતક બાળકના મૃતદેહનો કબજો લઈ હોસ્પિટલના શબઘરમાં રાખ્યો હતો. સાથે જ મેડિકલ સ્ટોર પણ જપ્ત કરવામાં આવ્યો હતો. બીજી તરફ મૃતકના પરિજનો અને ગ્રામજનો ડૉક્ટરની ધરપકડની માંગ સાથે ધરણા પર બેસી ગયા હતા. પરિવારનો આરોપ છે કે માસૂમનું મોત ખોટા ઈન્જેક્શનને કારણે થયું છે. એટલા માટે છેતરપિંડી કરનારની ધરપકડ થવી જોઈએ. સંબંધીઓ અને ગ્રામજનોએ ડૉક્ટરની ધરપકડ ન થાય ત્યાં સુધી મૃતદેહ લેવાનો સ્પષ્ટ ઇનકાર કર્યો હતો.

બાળકના મોતની જાણ થતાં રાષ્ટ્રીય લોકતાંત્રિક પાર્ટીના પ્રદેશ ઉપાધ્યક્ષ ઉમેદારામ બેનીવાલ, સરપંચ પ્રતિનિધિ જલારામ થોરી સહિત લોકપ્રતિનિધિઓ અને સમાજના લોકો ઘટનાસ્થળે પહોંચી ગયા હતા. બધાએ સર્વસંમતિથી આરોપીઓ સામે કાયદેસરની કાર્યવાહી કરવાની માંગ શરૂ કરી. ગ્ આખરે પોલીસે શનિવારે સવારે પોસ્ટમોર્ટમ કરાવી લાશ પરિવારજનોને સોંપી મામલો થાળે પાડ્યો હતો.